జనసేన పార్టీకి పండగే.. మొత్తానికి కల నెరవేరింది, పవన్ కళ్యాణ్‌కు లేఖ పంపారు
Janasena Party Recognized By Ec With Glass Symbol: జనసేన పార్టీకి కేంద్ర ఎన్నికల సంఘ తీపికబురు చెప్పింది. జనసేననను కేంద్ర ఎన్నికల సంఘం ఆంధ్రప్రదేశ్ రాష్ట్రంలోని గుర్తింపు పొందిన పార్టీల జాబితాలో చేర్చింది. జనసేనకు గాజు గ్లాసు గుర్తును రిజర్వ్ చేసింది. ఈ మేరకు కేంద్ర ఎన్నికల సంఘం జనసేన పార్టీ అధ్యక్షులు పవన్ కళ్యాణ్‌కు లేఖ పంపించింది. సార్వత్రిక ఎన్నికల్లో 100శాతం విజయం నమోదు చేసిన పార్టీగా జనసేన రికార్డు సాధించింది. ఈ క్రమంలో జనసేన రికగ్నైజ్డ్ పార్టీగా నిలిచి, గాజు గ్లాసు గుర్తును రిజర్వ్ చేసుకుంది.
హైలైట్:
జనసేన పార్టీకి ఎన్నికల సంఘం తీపికబురు
జనసేనకు కేంద్ర ఎన్నికల సంఘం గుర్తింపు
పవన్ కళ్యాణ్‌కు ఓ లేఖ పంపించిన ఈసీ
జనసేన పార్టీకి తీపికబురు అందింది.. ఆ పార్టీకి కేంద్ర ఎన్నికల సంఘం గుర్తింపు దక్కింది. ఈ మేరకు ఆంధ్రప్రదేశ్‌లో గుర్తింపు పొందిన పార్టీల జాబితాలో జనసేనను చేరుస్తూ ఎన్నికల సంఘం నిర్ణయం తీసుకుంది. అలాగే ఈసీ జనసేన పార్టీకి గాజు గ్లాసు గుర్తును రిజర్వ్ చేసింది. జనసేన పార్టీ అధ్యక్షుడు పవన్ కళ్యాణ్‌కు కేంద్ర ఎన్నికల సంఘం లేఖ రాసింది. ఆంధ్రప్రదేశ్‌లో 2024 సార్వత్రిక ఎన్నికల్లో జనసేన పార్టీ పోటీచేసిన 21 అసెంబ్లీ స్థానాలు, 2 లోక్‌సభ స్థానాల్లో ఘన విజయం సాధించింది.పార్టీగా జనసేన పార్టీ నిలిచింది.. అలాగే గాజు గ్లాసు గుర్తును రిజర్వ్ చేసుకున్నట్లు జనసేన ఒక ప్రకటనలో తెలియజేసింది. కేంద్రం ఎన్నికల సంఘం నిర్ణయంపై జనసేన పార్టీ నేతలు, కార్యకర్తలు ఆనందం వ్యక్తం చేశారు. అంతేకాదు సార్వత్రిక ఎన్నికల్లో పోటీచేసిన అన్ని స్థానాల్లో విజయం సాధించి వందశాతం విజయం నమోదు చేసింది జనసేన పార్టీ.
‘సమాజంలో మార్పు తీసుకురావాలనే ఆశయంతో మార్చ్ 14, 2014 న జనసేన పార్టీ స్థాపించిన పవన్ కళ్యాణ్ గారి సంకల్పం, దశాబ్ద కాల అలుపెరగని పోరాటం, లక్షలాది మంది జనసైనికుల శ్రమకు ఫలితంగా, 100% స్ట్రైక్ రేట్ తో చారిత్రక విజయంతో రాజకీయ చరిత్రలో పెను సంచలనం సృష్టించిన జనసేన పార్టీ.. నేడు గుర్తింపు పొందిన రాజకీయ పార్టీగా నూతన అధ్యాయానికి శ్రీకారం చుట్టిన శుభ సందర్భంలో, ప్రతీ జనసైనికుడికి, వీరమహిళకు, నాయకులకు హృదయపూర్వక అభినందనలు.దశాబ్ద కాల జనసేన పార్టీ అధినేత పవన్ కళ్యాణ్ గారి పోరాటానికి, గడచిన ఎన్నికల్లో సాధించిన చారిత్రక విజయంతో చరిత్ర సృష్టించిన జనసేన పార్టీని గుర్తింపు పొందిన రాజకీయ పార్టీగా గాజు గ్లాస్ గుర్తును శాశ్వత చిహ్నంగా గుర్తిస్తూ ఉత్తర్వులు జారీ చేసిన కేంద్ర ఎన్నికల సంఘం’ అంటూ జనసేన పార్టీ ట్వీట్ చేసింది. మొత్తం మీద జనసేన పార్టీని కేంద్ర ఎన్నికల సంఘం గుర్తించింది.
కేంద్ర ఎన్నికల సంఘం.. అసెంబ్లీ లేదా పార్లమెంట్ ఎన్నికల్లో కనీసం 10 స్థానాల్లో పోటీ చేసిన పార్టీలను రిజిస్టర్డ్ పార్టీలుగా పరిగణిస్తుంది. ఇలాంటి పార్టీలకు ఎలాంటి ప్రయోజనాలు ఉండవు.. వీరికి ఓ తాత్కాలిక గుర్తును మాత్రమే కేటాయిస్తారు. అలాగే అసెంబ్లీ లేదా పార్లమెంట్ ఎన్నికల్లో 6 శాతం ఓట్లను పొందితే దానిని గుర్తింపు పొందిన రాజకీయ పార్టీగా కేంద్ర ఎన్నికల సంఘం గుర్తిస్తుంది. ఈ పార్టీలకు గుర్తుతోపాటు కొన్ని ప్రత్యేకాధికారాలను ఈసీ కేటాయిస్తుంది. ఇప్పుడు జనసేన పార్టీని ఈసీ గుర్తించింది.
